心斎橋Best Western住後感

合桃

剛遊完大阪，首先感謝各位兄弟姊妹的post，幫助很大。

今次訂左CX個大阪package，入住Best Western，個人覺得唔錯。
第1，基於酒店開業冇耐，房內家私都「新束束」，感覺良好。
第2，真係近地鐵站，不過唔係心斎橋，係長堀橋駅後面，都算方便。
第3，遠離心斎橋駅，夠靜，但樓下都有好野食同便利店，肚餓唔使怕。
第4，Lobby有部電腦畀房客用，可以上網仲有得print野，又有得打中文，訓唔著巖曬。
第5，係就係細d，不過遊過日本既朋友，都知道平價酒店係呢個size架啦，所以個人覺得乾淨夠新就ok。
第6，凌晨去完激安之殿堂，食埋一蘭番酒店，搭的士都唔使跳標，不過記得同司機講去長堀橋駅，唔好講去hotel，因為d士機好蠢會唔識路。

而酒店都有好多香港人、國內同胞同日本人，香港人多數情侶、國內就多數團友，而日本人就係一條西裝友居多。

LINUS

any photo???